Дар доираи барномаи хайриявӣ, кормандони Академияи футболи "Истиқлол" аксияи навбатии хайриявиро баргузор карданд - онҳо ба мактаб - интернати  режими махсуси шаҳри Ҳисор ташриф оварданд. 

Дар ин муассиса, ки 350 кӯдаку наврасон ба тарбия фаро гирифта шудаанд, меҳмононро бо хушнудӣ истиқбол гирифтанд.  Дар доираи ин чорабинӣ, ки бо барномаи рангини фарҳангию фарғатӣ  баргузор шуд, ба кӯдакон  дастурхони идона ороста шуда, ҳамчунин тӯҳфаҳо – аз ҷумла шириниҳо, меваҳо, нӯшокиҳо, либосу пироҳан  ва тӯб тақдим карда шуд.

Дар ин кори хайр ҳамчунин саҳми худро  фан клуби даста “Шерони Истиқлол” гузошт, ки маблағи чоизавӣ аз озмуни “Беҳтарин мухлиси сол”-ро ба ҳисоби ин муассиса гузаронд 

“Чунин амалҳои нек на танҳо дигаронро рӯҳбаланд менамояд, балки дар кӯдакон умедро ба вуҷуд меоранд. Ҳар як кӯдак табассумкунон ҳис мекард, ки ӯро фаромӯш накардаанд, ӯ муҳим ва дӯстдоштани аст. 

Клуби  футболи «Истиқлол» амалҳои худро дар роҳи дастгирӣ ва хайрхоҳӣ   идома медиҳад, зеро пирӯзии  ҳақиқӣ на танҳо ғалаба  дар майдон, балки кумак ба ниёзмандон мебошад”, - иброз намуданд ташкилкунандагони ин амали хайр.

РАСМ: https://t.me/fcistiklol2007/30057

РАСМ: https://t.me/fcistiklol2007/30067