Тибқи созишномаи имзошуда, ширкати  маъруфи  истеҳсолкунандаи  маҳсулоти заргарӣ дар кишвар  «Тоҷик кристалл»  шарики техникии Академияи футболи кӯдаконаи  КФ  «Истиқлол» гардид.  

Пас аз имзои созишнома, ҷонибҳо изҳор доштанд, ки ин ҳамкорӣ ба ҳарду ҷониб судманд буда  дар рушди футболи кӯдакон ва наврасон натиҷаи мусбат хоҳад дод. «Чунин иқдомҳо  барои фароҳам овардани шароити зарурӣ  баҳри  дарёфт  кардани истеъдод ва рушди футболбозони наврас  кӯмак хоҳанд кард.  Хоҳиши саҳм гузоштан дар баланд бардоштани сатҳи футболи кӯдакон ва наврасон, фароҳам овардани имкони тамрин ва ташаккули кудакон дар муҳити касбӣ  ҳадафи умумии мост. 

Мо итминон дорем, ки ин ҳамкориҳо дар  таълиму тарбия  ва омодасозии футболбозони наврас  натиҷаҳои мусбат хоҳад овард», - изҳор доштанд ҷонибҳо дар суханронии худ.