"Истиқлол" бозии чоруми худро дар Лигаи чемпионҳо баргузор намуд
05.11.2024 23:55
Дар даври чоруми марҳилаи гурӯҳии Лигаи қаҳрамонҳои КФО-2024/25 дастаи "Истиқлол" дар сафар бо тими "Ал-Ваҳдат"-и Урдун вориди рақобат шуд.
Дидори мазкур бо натиҷаи 1:0 ба фоидаи соҳибони майдон ба анҷом расид. Дар бозии дигари гурӯҳи "С" тими "Сипоҳон"-и Эрон бо натиҷаи 3:1 бар "Шарҷа"-и (АМА) зафар ёфт.
Дар даври панҷуми мусобиқот, ки 26 ноябр баргузор мегардад, "Истиқлол" дар сафар бо дастаи "Шарҷа" вомехурад.
Лигаи чемпионҳои КФО-2024/25
Марҳилаи гурӯҳӣ. Даври 4-ум
"Истиқлол" (Тоҷикистон) - "Ал-Ваҳдат" (Урдун) -1:0
Гол: Сезар Гуйе, 76
"Истиқлол": Никола Стошич, Содиқҷон Қурбонов, Алексей Ларин, Кейта Сузуки, Дарко Илиески (Амадони Камолов, 85), Мэтю Миллар (Табрез Исломов, 66), Амирбек Ҷурабоев, Эҳсон Панҷшанбе, Алишер Ҷалилов, Рустам Соиров (Манучеҳр Ҷалилов, 66), Шервони Мабатшоев (Димитар Митков, 89).
Беҳтарин бозингари вохурӣ: Сезар Гуйе ("Ал-Ваҳдат").
Корти зард: Муҳанад Семрен, Мустафо Камол, Муҳаммад Абу Ал-Ҷазр, Сезар Гуйе, Алан Аконо, Рафат Али Ҷабор ("Ал-Ваҳдат"), Эҳсон Панҷшанбе ("Истиқлол").
Сардовар: Маҷид Ал-Шамрони (Арабистони Саудӣ).
Нозири доварон: Ясир Халил (Баҳрайн).
Комиссари бозӣ: Акшай Роҳатҷи (Ҳиндустон).
5 ноябр. Варзишгоҳи байналмилалии Аммон. 1124 тамошобин.
