Дар бозии ниҳоӣ соҳибони мусобиқа - дастаи «Истиқлол» ва тими «Вавилон»  бо ҳам вомехуранд. Оғози бозӣ соати 19:00.  Пеш аз бозии финалӣ, рақобат барои ҷойи сеюм миёни дастаҳои ФФТ ва «Шабакаҳои барқӣ»  доир мегардад.  Оғози ин бозӣ соати 18:00. Пас аз анҷоми рақобати ниҳоӣ, маросими ҷоизасупории дастаҳои ҷоизадор ва беҳтаринҳои мусобиқаи бонуфуз  баргузор мегардад. 

Қобили зикр аст, ки фонди ҷоизавии мусобиқа 100 ҳазор сомониро ташкил медиҳад. Дастаи ғолиб бо Ҷом, медал ва ҷоизаи пулӣ дар ҳаҷми 50 ҳазор сомонӣ сарфароз мегардад. Дастаи ҷои дуюм 30 ҳазлр сомонӣ дарёфт хоҳад кард. Барандаи медали биринҷӣ бо ҷоизаи пулӣ ба маблағи 20 ҳазор сомонӣ сарфароз мегардад.