Ин дидор санаи 25 май - дар Рӯзи ҷаҳонии футбол дар варзишгоҳи марказии шаҳри Ҳисор баргузор мегардад. «Истиқлол» ва  «Регар-ТадАЗ» то ин дам ду маротиба дар бозиҳои Суперҷоми Тоҷикистон бо ҳам рақобат намудаанд.

Дар мавсими 2011 бозии дастаҳо бо натиҷаи 1:0 ба фоидаи душанбегиҳо ба поён расид. Голи ягонаро дар вохӯрӣ  Дилшод Восиев дар дақиқаи 113-ум  ба нишон расонид.

Соли 2012  дидори дуюми рақибон боз ҳам бо пирузии  «Истиқлол» ба анҷом расид – 2:1. Юсуф Рабиев ва Иброҳим Рабимов аз «Истиқлол» ва Баҳодур Шарипов аз «Регар-ТадАЗ» дар ин бозӣ ба номи худ  гол сабт намуданд.