МАҚОМИ ДУЮМИ «ИСТИҚЛОЛ» ДАР «ҶОМИ КУШОДИ АВРУПО»!
24.11.2024 18:50
Дастаи футзали «Истиқлол» дар мусобиқаи байналмилалии «Ҷоми кушоди Аврупо», ки бо иштироки шаш тим дар шаҳри Химкии Россия баргузор гардид, мақоми дуюмро касб намуд.
.jpg)
Рақобати финали, ки миёни «Истиқлол»-и Тоҷикистон ва мунтахаби миллии Россия доир гашт, бо натиҷаи 1:0 ба фоидаи соҳибони мусобиқа ба поён расид.
Ҷои сеюм насиби мунтахаби Беларус шуд, ки дастаи Сербияро шикаст дод. Пас аз анҷоми мусобиқа маросими супоридани медалу ҷоизаҳо ба ҷоизадорон баргузор гардид.
Бозингари «Истиқлол» Абдуқаюм Умаров беҳтарин ҳамлагари мусобиқа эътироф шуд!
МУСОБИҚАИ БАЙНАЛМИЛАЛИИ «ҶОМИ КУШОДИ АВРУПО»
ФИНАЛ
«Истиқлол» (Тоҷикистон) - Мунтахаби Россия - 0:1
«Истиқлол» (Тоҷикистон): Фирӯз Бекмуродов, Самариддин Шамсов, Рустам Ҳамидов, Насратшо Исмоилов, Раҳмоналӣ Шарипов, Ҳикмат Исмоилов, Некрӯз Идиев, Абдукаюм Умаров, Шавкат Ҳалимов, Муҳаммад Шарипов.
24 ноябр. Химки. Маркази омӯзишӣ- таълимии «Новогорск».
