Бо даъвати федератсияи Умумирусиягии  футбол  дар толорҳо, дастаи футзали «Истиқлол» дар  «Ҷоми кушоди Аврупо»  оид ба футзал иштирок мекунад. Мусобиқаи байналмилалӣ дар шаҳри Химки аз 21 то 25 ноябр баргузор мешавад. Бозиҳо бо иштироки шаш даста дар маркази омӯзишӣ-таълимии  «Новогорск»  баргузор мешаванд.

Тибқи натиҷаи қуръакашӣ «Истиқлол» дар гурӯҳи «Б»  бо футзалбозони Беларус ва мунтахаби ҷавонони Руссия қувваозмоӣ менамояд. 

Дар гурӯҳи «А» бошад мунтахабҳои Сербия, Қирғизистон ва Руссия ҳунарнамоӣ менамоянд.