Ҷон Оби Микел аз Академияи «Истиқлол» дидан намуд!
26.05.2024 17:30
Собиқ бозингари тими «Челси»и Англия ва мунтахаби миллии Нигерия Ҷон Оби Микел, ки дар доираи таҷлили «Рӯзи ҷаҳонии футбол» ба Тоҷикистон ташриф овардааст, аз Аквдемияи КФ «Истиқлол» дидан намуд.
Зимни боздиди худ аз қароргоҳи тими пойтахт, Оби Микел бо шароити машқу тамрини кудакон ва майдонҳои футбол шинос шуда, баҳои мусбат дод. Вохурии меҳмони олиқадр бо кудакону мураббиён ва бозингарони ҳайати асосии «Истиқлол» бисер гарму самимӣ ҷараён гирифта, басо хотирмон гузашт. Дар охир, бо рамзи эҳтиром ба Ҷон Оби Микел пироҳани «Истиқлол» бо шумораи зери 10 тақдим карда шуд.
